Pages

الأحد، 23 نوفمبر 2014

تجربتي مع موقع sammydress


موقع www.sammydress.com هو موقع صيني فيه منتجات كتير ملابس وشنط وأحذية وغيره ، بيتميز بأسعاره القليلة بالنسبة للمواقع التانية
فحبيت أجربه في منتجات بسيطة 
وهأحكي لكم عن أول تجربة ليا معاه  ..


دي البداية  أول ما عملت الطلب : 


و ده لما بتدخل على الموقع بيوضحلك فين الطلب هل بيتجهز أو تم شحنه ؟

 ودي الشحنة أول ما وصلت :
طبعا التغليف خفيف مجرد كيس بريد عادي ، مش كرتونة مثلاً ، 
بس عامة المنتجات وصلت سليمة رغم إن كان فيها حاجات قابلة للكسر.

 كان طلبي في 3 منتجات من الموقع 

الأول  : شماعة الاكسسورات


و دي اللي وصلت ، عجبتني  ، وخامتها أحسن من اللي في الصور على الموقع.


سعر المنتج : 1.86$ 


و ده المنتج التاني : بومودورا 
و لمعرفة بيستخدم في إيه نشوف التدوينة دي : 

تعلم كيف تتعلم Learning how to learn


و دي لما وصلت ، وعجبتني 

سعرها : 2.96 $ 



المنتج التالت : الهودي










السعر : 10.12$

 ده أكتر منتج محبط ، المقاسات مختلفة تماما عن الموقع ، أنا طلبت مقاس لارج
 وده اللي كان مكتوب على الموقع :
لكن الحقيقة : 
Bust :  98 cm - Length:   75 cm 

واللون مختلف عن لونه على الموقع 
وطبعا الخامة عادية جداً بس موضوع الخامة ده متوقع في أغلب المواقع الصيني.
 وتواصلت مع الموقع بسبب اختلاف المقاسات وعرضوا عليا يرجعوا لي 20% بس 
من ثمن المنتج فقط !

عيوب الموقع : 
1-  السعر المكتوب على المنتجات هو سعر المنتج من غير الشحن ، والشحن بيكون مش قليل ، تقريباً نصف تمن المنتج ، غير منتجات بسيطة الشحن فيها مجاناً.
2- طبعاً اختلاف المقاسات عن الموقع ، ده عمره ما يحصل في موقع محترم ، لأن الشراء أون لاين بيعتمد بالأساس علي ثقتك في المقاسات الموجودة على الموقع.
3- الشحن أخد وقت طويل ، تقريبا 40 يوم.

مميزات الموقع : 
1- بيقدم منتجات مختلفة وبأسعار معقولة ، وأرشحه في منتجات المنزل والاكسسورات ، وممكن ملابس لكن نتوقع خامات مش عالية.
2- خدمة العملاء تعتبر جيدة يعني بيردوا على أي سؤال خلال يومين.
3- الدفع عن طريق paypal  بيضمنلك حقك في حالة ماوصلش الطلب.

لو عجبك الموضوع، ممكن تشوف تجربة للطلب من موقع صيني تاني Aliexpress  من هنا 
أو تجربة شرائي لفستان الزفاف من هنا




هناك 17 تعليقًا:

  1. هل يوجد فلوس جمارك على البضاعه

    ردحذف
    الردود
    1. أهلا Princess
      على حسب البلد اللي أنتي فيها ، ابحثي عن الجمارك في بلدك هتعرفي إذا كان في جمارك ولا لأ

      حذف
  2. دايركت بتوصل لسعوديه؟

    ردحذف
    الردود
    1. طيب سؤال انا طلبت من الموقع هذا 3 فساتين واجاني فستانين بس وماعم بعرف كيف ممكن اتواصل معاهم انو يشحنولي الفستان الي طلبتو ودفعت سعروا او انو يرجعو المصاري عندك ايميل ممكن اتواصل معاهم ويردوا بسرعه ؟؟

      حذف
    2. بتلاقي على الموقع مكتوب من فوق
      Live chat
      بتضغطي عليه وبتبدأي محادثة معاهم ، بتقوليلهم مشكلتك و بيساعدوكى

      حذف
  3. اذا بتريدي ممكن اعرف ش يعني النقط يلي بتطلعلي وبيعطوني ياها كيق بستفاد منها

    ردحذف
  4. مرحبا لوسمحتي ، كيف فيني حكيكي لاقدر افهم منك الطلبات وصيت تلات طلبات ومابعرف كيف اغمل وايمت يوصلو ماكتير بفهم انكلش

    ردحذف
    الردود
    1. هأنزل موضوع قريب عن خطوات الطلب من المواقع تابعينا :)

      حذف
  5. بس سوأل اني بدي روح على الموقع بس ما بعرف اشون ولا بعرف اي شي حبابة ابليز اجاوبيني لان كلش محتاجة اعرف

    ردحذف
    الردود
    1. هأنزل موضوع قريب عن خطوات الطلب من المواقع تابعينا :)

      حذف
  6. حضرتك طلبتي من مص؟ استلمتيه فين هل وصلوه لبيتك؟ هل دفعتي مصاريف اضافية لما وصلت الشحنة؟

    ردحذف
    الردود
    1. لا الطلب ده ماكنش من مصر، بس في طلب تاني على المدونة من مصر، وهو فستان الزفاف، نفس الخطوات، وبيوصلك للبيت، وبتدفعي جمارك للي بيوصلهالك حوالى من 40-50% من سعر الحجات اللي اشترتيها.

      حذف
  7. من فضلك الجمرك علي شي ان كام

    ردحذف